உலகின் முதல் ரகசியம் (கவிதைகள்) - கருணாகரன்

உலகின் முதல் ரகசியம்  (கவிதைகள்) - கருணாகரன்
விலை ரூ. 120

இந்தக் கவிதைகளின் புனைவு வெளியில் நீங்களும் இயற்கையும் இணைந்திருக்கிறீர்கள். கிளைத்து வினோதமாக விரிந்து செல்லும் இந்தப்  புனைவுப் பரப்பில் புதிய பாதைகள் தென்படுகின்றன. பழகிய வழிகள் தெரிகின்றன. ஆனால் வேறாக. எல்லாமே ஒரு கனவுபோல தெரியும் கணத்தில் சட்டென ஒரு மின்னல் தோன்ற நிஜம் விரிகிறது.  அதில் தெரிவதைக் கண்டுணரும்போது மையங்களைச் சிதைத்துச் செல்லும் இந்தக் கவிதைகளின் தீவிரம் உங்களுக்குள் மூட்டுகிறது பெருந்தீயை. கூடவே பொழிகிறது பெருமழையும் பனியும். சுழன்றடிக்கிறது புயல். சமநேரத்தில் படருகிறது பேரமைதி. இதற்குள்ளேயே இருக்கின்றன உங்களுடைய குரல்களும் கனவும் நம்பிக்கையின்மையும்  நம்பிக்கைகளும்.

மூன்று காதல் கதைகள்-இவான் துர்கேனிவ்-தமிழில்: பூ.சோமசுந்தரம்

மூன்று காதல் கதைகள் (நாவல்) - இவான் துர்கேனிவ் - தமிழில்: பூ.சோமசுந்தரம்
விலை ரூ. 350

துர்கேனிவின் இந்த மூன்று குறுநாவல்களும் ருஷ்ய இலக்கியத்திற்கு மூலச் சிறப்பு உள்ளவையாக வெகுகாலமாகத் திகழ்ந்துவருகின்றன. இவை துர்கேனிவ் தன்மை நிரம்பப் பெற்றவை. அவருடைய மேதைமையின் சிறந்த அம்சங்களை இவை பிரதிபலிக்கின்றன. ஆகையால் இந்த நூல்களை உள்ளக் கிளர்ச்சி இல்லாமல் படிப்பது இன்றளவும் முடிவதில்லை. இளம் வாசகர்கள் துர்கேனிவின் படைப்பை அறிமுகம் செய்துகொள்ள இந்தக் குறுநாவல்களிலிருந்தே அடிக்கடித் தொடங்குகிறார்கள். மனித உணர்ச்சிகளின் தன்னிகரற்ற உலகை இவற்றில் காண்கிறார்கள். துர்கேனிவ் வருணித்துள்ள நிகழ்ச்சிகள் நம் காலத்துக்கு நூறு ஆண்டுகளுக்கும் முற்பட்டவை ஆயினும், நம் காலத்தவர்களையும் நேரடியாகப் பங்குகொள்ள வைக்கின்றன. ஏனெனில் என்றும் நிலைத்திருப்பவையும் அழிக்க முடியாதவையுமான, இயல்பான மனித உணர்ச்சிகளை இவை விவரிக்கின்றன.
- அர்தூர் தல்ஸ்தியகோவ்