புலம் புதிய வெளியீடு

தாய் (உலக கிளாசிக் நாவல்) - மக்சீம் கார்க்கி - தமிழில்: தொ.மு.சி. ரகுநாதன்
விலை ரூ.300

1907இல் முதன்முதலாக வெளியான தாய் நாவல் உலகின் மிகச் சிறந்த செவ்விலக்கியங்களில் ஒன்றாகக் கருதப்படுகிறது. ரஷ்யாவின் கம்யுனிசப் புரட்சிக்கு நெருங்கிய காலகட்டத்தைக் காலமாகவும், புரட்சியில் பங்கேற்கும் இளைஞர்களைக் கொண்ட தொழிற்சாலையைக் கதைக்களமாகவும் கொண்ட இப்புதினம் உலகின் பல்வேறு மொழிகளில் மொழிபெயர்க்கப்பட்டுள்ளது; திரைப்படமாகவும் வெளிவந்துள்ளது.
பாவெல் எனும் புரட்சியாளரின் தாய் நீலவ்னா கொஞ்சம் கொஞ்சமாகத் தன் நிலையிலிருந்து எப்படித் தனது மகனின் கருத்துகளால் ஈர்க்கப்படுகிறாள், உண்மையைப் புரிந்துகொள்கிறாள், புரட்சியாளர்களுக்கு உதவ உத்வேகம் கொள்கிறாள், தனது வாழ்க்கையின் உண்மையான மகிழ்ச்சியை எப்படிக் கண்டடைகிறாள் என்பதை உணர்வு பொங்கச் சொல்லுவதோடு நம்மையும் அந்தத் தாயோடு பயணிக்க வைக்கிறது நாவல்.